أقـــدم لكم ديــوان الشاعر الكبير / سلطان بن وســــام الهاجـري

بسم
الله الرحمن الرحيم

السلام عليكم ورحمة الله وبركاته

أسـ ع ـد الله جميع أوقاتكم بكل خير

أقـــدم لكم ديــوان الشاعر الكبير / سلطان بن وســــام الهاجـري

وهو شاعر كبير ومعروف وله وجودهـ في ميدان المحاورة وفي شعر النظم ايضاً
شاعر مبدع في جميع مجالات واغراض الشعر
بإختصآر...سطان شاعر لا يحتاج إلى مقدمــــآت
جمعت لـه بعضاً من قصائـدهـ في هذا الديوان المتواضـع

،، أتـمـنـى أن أقـــدم ما يـنـال على إعـجـابـكـم ،،

سلطان الهاجري - شاعر الوزن الثقيل

الـلـيـالـي مشـاكـلـهـا عــــراض طــوالــي
للـنـفـوس الشـقـيـه والـنـفـوس السـعـيـده
غــاره مــن يمـيـن وغــاره مــن شـمـالـي
توهـمـك بـالـهـدوء وعاصفـتـهـا شـديــده
ياوجودي علي الراحـه وياوجـد حالـي
لـيــت مـالــي مـــع الـشـعــار ولانـشـيــده
هـب ياهالزمـان الـلـي غـزانـي لحـالـي
كـل يـوم علـي الهاتـف يجينـي قصيـده
ذي معاتـب حبيـب وذي مشاريـه غالـي
وذي تحفض من السكـر وهـاذي تزيـده
والعرب علمهم بي يوم صـدري شمالـي
والليـالـي مقـفـت بـــه لايـمـكـن تـعـيـده
روحــت مــع مـهـب الـريـح ياهـمـلالـي
ماحـد جـت لــه الدنـيـا عـلـي مايـريـده
والـتـجـارب عطـتـنـا مـيــزه الاحتـمـالـي
ودرسـتـنــا مـشـاويــر الـحـيــاه الـبـعـيــده
ان مــابــه حــيــاه الا وراهـــــا زوالـــــي
والـبـنــادم بهـالـدنـيـا شـبـوحــه بـعـيــده
مـيـر ماهـيـب لامـكـسـب ولاراس مـالــي
كود من حـط قولـه والنعـم فـي رصيـده
وطاب عند البعيد وطـاب عنـد الموالـي
وله نصيب الاسد من الخصال الحميده
وان تثـنـت عـــزوم مشـوربـيـن العـيـالـي
عزمه اقوي مـن ظـروف الحيـاه العنيـده
يرتـكـي بالمنـاكـب للحـمـول الثـقـالـي
والطفر فـي راسـه المطنـوخ والا وريـده
خل فعل الجدود وخـل فعـل الخوالـي
نـدري انــك ولـدهـم والعـلاقـه وطـيـده
ونـدري ان فعلهـم يستـر بنـات الحلالـي
حتي لو جـدك اكحيـلان وانتـه حفيـده
اما حث القدم واطلع علي راس عالـي
والا خلك كذا وان مت ما انت بفقيده

لاجل الغـلا نطـوي البيـدا ونقطعهـا
مـشـاعـر الـحــب لاعـنــت تعنـيـيـنـي
لاقلـت لبيـه مـن ثغـرك وانـا اسمعهـا
نسيـت بعـد المسافـه بيـنـك وبيـنـي
ياعشـقـه الـــروح يـاخـيـره مطامـعـهـا
شوفتـك عـن باقـي الدنيـا تكفيـنـي
محبتـك مـن ثــلاث سنـيـن زارعـهـا
في شهرسبعـه سنـة خمسـه وتسعينـي
وداعـه منـك وانـت الـلـي مودعـهـا
تجـري مـع دم قلبـي فـي شرايينـي
وانـتـه وداعـتـك روحــي لاتضيـعـهـا
ضـيــاع يـاســر عـرفــات لفلسطـيـنـي
تـولـعـت والله الـلــي فـيــك ولـعـهــا
والقلب عاشقك قبل تشوفك العيني
النـفـس تـامـر وانــا مـانـي بطايـعـهـا
الله عـن النقـد والمنـقـود يحميـنـي
لـو ان كبـدي هجيـر الشـوق لايعهـا
امـــر عـطـشـان والشـيـمـه تـعـديـنـي
ام الـدلـع فــي ذرى شـيـخ مدلعـهـا
زيـزوم قـوم علـي الشـدات قاسيـنـي
شـيــخ لـيــا كـبــرت الـقـالـه يسنـعـهـا
ماهـي بشيـخـة خـتـم والا ملاييـنـي

عشقـت غيـدا سمحتـنـي عــن الغـيـد
أقــــول والا بــــس مـانـيــب قــايـــل
ميـت ضمـا والـعـد صـعـب المـواريـد
وبذلـت مـن شانـه جميـع الوسـايـل
والشربه اللي مـن حيـاض الأجاويـد
تقطع ضما هـدف الضلـوع النحايـل
يانووووف جيتك من ورا نازح البيد
بــالــراس مـايـحـتـاج رد الـرســايــل
وأن كان ماضمدتي الجـرح تضميـد
تحـمـلـي شـرهــة عـيــال الحـمـايـل
أنـا دخـيـل الـصـدر والثـغـر والجـيـد
أرخـي علـي شـلال شـقـر الجـدايـل
هــذي تكفيـنـي مــن الـعـيـد للـعـيـد
وأنــا عـلـي يـانـوووف رد الجـمـايـل
أحظنك بأشواقـي مـن الإيـد للإيـد
وشعـرك علـى هـاك المبيـسـم تمـايـل
يـاقــوم يامـبـسـم نـجــاح المـسـاعـيـد
أنـتـي مـثـل تـضـرب علـيـه المثـايـل
حبـي وحبـك حـب عليـا وأبـو زيــد
والا مـثــل حـــب الطـنـايـا لـحـايــل

انـا يازمانـي فـي فـوادي ثـلاث اطعـون
ولاهـي بطعنـه مـن سيـوف اوسكاكيـنـي
من افتح ياسمسم والايافلم ابـو كرتـون
امـورن تغـث اكـبـود حـتـى الوراعيـنـي
وجمهوري الغالـي يسـوق الشـره ويمـون
ونـا قـد شـرهـات العـتـب مــن محبيـنـي
يقولـون ماشاركـت وقـول انـت توحـون
ابـي كـل واحـد يفتـح اذنـه ويوحيـنـي
لابالله مـاشـاركـت فــــي شاعرالـمـلـيـون
لوانـي علـى المليـون تومـي شراييـنـي
ولـكــن انـامـانــي بـخـبــل ولامـجـنــون
اجــي وقـطـع ارزاق العبادالمساكـيـنـي
الاياحـمـام الــورق ياالـلـي تجـرلـحـون
تغـانـم زمـانـك بـيـن خـضــر البساتـيـنـي
تراهـالا ركبـة كـل جمـره علـى غلـيـون
وراد الله انـه يصفـل المـا عـن الطيـنـي
مثـل ماوطـى هامـان والاوطــى فـرعـون
ثـيــاب الـشــرف ماتـسـتـر الاالشريـفـيـنـي
حشرنـا الضبـا بقـرون ولا بــدون اقــرون
وراس الظبـي يقـرب مـن النـار ويليـنـي
والاجواد مدت للمواهب اكفوف العون
وهـذي صفـات مــن صـفـات الكريميـنـي
والاقـزام تهـدم واهــل المعـرفـه يبـنـون
صروح من الامجاد ماهـي مـن الطينـي
بنتها الكفوف اللي كرمها سحـاب مـزون
رمــوز العـدالـه نـصـرة الـحـق والديـنـي
غضبهـم وانـا سلطـان يهتـز مـنـه الـكـون
وكرمـهـم تـربـع فـيـه حـتــى البعـاريـنـي
اصــالــه عـربــيــه وتـاريـخـهــا مـصــيــون
عـنـاويـنـهـا تــفـــوق كـــــل الـعـنـاويـنــي
جبـال قممهـا فـوق والهـا حجـر وركـون
قـمـمـهــا تـشـرفـنــي ذراهـــــا يـذريــنــي
عسى الله يهونها على الناس لين اتهون
تـزيـن القـرايـه فــوق روس المجانـيـنـي
ضعـاف العقـول اللـي تهبـد علـى مالـون
عـلـى كـــل مـلــواح تـهــز الجناحـيـنـي
ماتنضف يديهم لـو تغسـل مـن الصابـون
كـثـر مـاتـمـد يديـنـهـا فـــي المواعـيـنـي
يـديـن عسـاهـا كــرم الله مــن يـوحــون
والا تـدري هـذي حطهـا بيـن قوسيـنـي
قبل لاتخيب ظنـون والا تصيـب ظنـون
وذي عيـن تبكيلـي وذي عيـن تبكيـنـي
عزفنـا وتـرى مالـه علاقـه بنـجـدي فــون
نـحــاول نـعــدل مــايــلات الـمـوازيـنـي
رسالـه وباقـي سرهـا فـي الثـرى مدفـون
ســواة الامـانـه فــي وجـيــه الميامـيـنـي
ابداع القصيد ابداع والاحتـراف فنـون
والابـداع فـي كــل المـجـالات يعنيـنـي
وشـعــر الـحـداثـه لامـقـفــى ولا مــــوزون
بـــلا مـذهــب بـيــن ولا لــــه قـوانـيـنـي
وعنـدي النهايـه لعنـة الله عـلـى شــارون
عسى الله من اسرائيل ينصـف فلسطيـن

قـالـو شـرالـه خـمــس مـيــه وسـتـيـن
مسكين قلت اللي على البال كافي
مدامـنـي فـنـظـار الأقـــزام مسـكـيـن
هــذا دلـيـل إنـــي عـزيــز و وافـــي
نعـم شـريـت البنزالأخـضـر بتسعـيـن
سـمـتــه وتـلـيـتـه بتـسـعـيـن صــافــي
أبـيــه لاقـفــى مـــن الـلـيـل ثلـثـيـن
وأقفـت مدافـيـح النـجـوم المقـافـي
أنخاه والدمعـه تحـت محجـر العيـن
نخـوة دريـكـن ناخـيـن لــه سنـافـي
غـيـرت لـــه زيـتــه وعـبـيـت بـنـزيـن
وأستنشـق البنـزيـن عـقـب الوقـافـي
كنـه يصعـط مـن صعـوط المجانـيـن
يرسـي ليـا جــا فالطـريـق أنعطـافـي
وأقفـا كمـا فرخـن كفـخ بالجناحيـن
نـور الحسـا قدمـي وسلـوى خـلافـي
منـصـاه فــي نجدالعـذيـه سـلاطـيـن
أهل موقفـن يـوم الحرايـب يشافـي
الآاد روق مـرجـحـيــن الـمــوازيــن
شطرن ركب من قاف غيـري وقافـي
أقـولـهـا هالـحـيـن وأول وهـالـحـيـن
غصبن على أهل النفوس الضعافـي

أنـا ولدهـاجـر وخصـمـي ولــد روق
حـصـن تصـاقـع والضـمـايـر نظـيـفـه
لاحلـق الجمهـور طــوق ورا طــوق
مثـل الضوامـي فـوق وادي حنيفـه
ولاأنـت لاعاشـق ولاأنـتـه بمعـشـوق
ولالك مع أصحاب الوظايف وظيفه
وأنــا كتـبـت الشعـرطـاروق طــاروق
وأحيـان أوفـق فيـه وأحيـان أعيـفـه
ولاعـاد لــه معـنـى ولاعــاد لــه ذوق
تقاسـمـوه أهــل النـفـوس الضعيـفـه
طــاروق عـانـيـه وطـــاروق مـســروق
وأقــــرب قــنــاة فـاشـلــه تستـضـيـفـه

..a..

الصراحـه مزعجـه وأنـا صريـح
تـزعـلــك مـاتـزعـلـك بـاقـولـهـا
شاعـر موهـوب ولسانـي فصيـح
وسابـح عـرض البحـور وطولهـا
والافاعـي سمهـا ينـذح نـذيـح
والعـقـارب سمـهـا فــي ذيـولـهـا
ماعلـى الدنيـا ضميـر مستـريـح
كـل خـلـق الله تـهـن خيولـهـا
ذا يحـن وذا يـون وذا يصـيـح
وذا يخـطـف راسـهـا ورجـولـهـا
والشـعـر هذاقبـيـح وذا مـلـيـح
وكـلـبـوهـا ســاريــن مـفـعـولـهـا
أجلدالقبيح فـي وجـه القبيـح
وقول وش رايك وقول أصولها
ولاتـدري مايصـح الاالصحيـح
خاطب العالم على قـد عقولهـا

مرحـوم ياحـب تـرعـرع بالأعـمـاق
مـتـغـذي دم الـعــروق الـصـخـافـي
فــي كــل عـضـو لــه مـقـر ومـيـثـاق
بيـن الضلـوع العـوج بيـن وخافـي
يـروق مـع روقـه مزاجـي اليـا راق
ويحـس بـي اليـا لحقنـي أخـلافـي
ويحس بأشواقي اليا صرت مشتـاق
قــدام يصـبـح فـالامــور اخـتـلافـي
والـيـا هـنـا علقـتـهـا فـــوق مـعــلاق
وسلـيـت سكـيـن الخيـانـه ياكـافـي
ودعتـك النسنـاس يـاورد الأشـواق
كرامتـي تحـكـم عـلـي بأنصـرافـي
قطـفـت مـنـك مـــا تـهـيـا ومـــا لاق
ورميـت بـاقـي ذكريـاتـك خـلافـي
لا دمعـة طاحـت ولا خـاطـر ضــاق
ماقول غير اللي على البال كافـي
يكفي ثلاث سنسن مرت على ساق
عـيـن فــراش لــك وعـيـن لـحـافـي
واليـوم فـي تسعـه وتسعـيـن طـقـاق
قلبـي كـذا طبعـه اليـا عـاف عـافـي

،، يــــتــــبــــــع ،،

صــح السـانـك وللـقـصـد مـقـصـود
ماهوب ديكورن من الروح خالي
سحابتن في اطرافها بـرق ورعـود
ترعـد جنـوب وبرقهـا ف الشمالـي
يهيـم معهـا هاجـس الشـعـر ويـعـود
لأعـظـم ينابـيـع الـوفـا والكمـالـي
مولد قيـم وامجـاد وسهـود ومهـود
ومهبـط رسالـة عظكتـه والجـلالـي
ونجـد بصحاريـهـا بساتـيـن و ورود
على المواطن والرفيـق الموالـي
لبـى خزامـي نجـد عنقـود عنقـود
ولبى صحاريها العراض الطوالـي
احضانها دايم حجـا كـل مضهـود
لا اشتـدت العـزمـات يــا همـلالـي
كـل ذي نعمـه بـلا شـك محـسـود
الاعدقـاء محـور نقـاش وجـدالـي
يعنـي ليـالـي نـجـد ماتعتـبـر ســود
يوضي سماهـا نـور حـق وعدالـي

فـــي عـنـفـوان البـلـبـلـه والأقــاويــل
وزخــم مــن الإعــلام فــي زعيتمـانـه
هذي قناه الشجـب والحـط والشيـل
وهـــذي قــنــاة المـلـعـنـه والـخـيـانـه
وهـذي قنـاة الـرقـص ياعـيـن يالـيـل
وعـــبـــدالله ابـالـخــيــر والـبـردقــانــه
والـقـدس تقصفـهـا مـدافـع إسرائـيـل
والـغـرب يـعـزف عــزف كـيــد ولـعـانـه
والشـي والله فــي اللـيـال المقابـيـل
أصـبــر عـلــي شـــوي وأقـــول عـانــه
عان الليال الحيل لقحن وهن حيل
ولقـاحـهـن غـــزو الأصـــل والـديـانــه
غــزو يـسـمـى ديمـقـراطـي وتـبـديـل
وطـمـس العـوايـد والشـيـم والأمـانــه
وش قلت ياسداح فـي كذبـة إبريـل
هـي فـي صميـم الــذات والا وزانــه
والهـيـل يـاسـداح عـطــر الفنـاجـيـل
والـجــد مـلــح الـعـجـرفـه والـمـيـانـه
والخيل وين سروجهـا ياهـل الخيـل
راحـت فـرس عنـتـر تسـابـق حصـانـه
والمعـركـه بـيـن النـسـاء والريـاجـيـل
مــــدري يــفــوز فـــــلان والا فــلانـــه
وأن قام حظ أم الرمـوش المظاليـل
وقــامــت تـثـنــى كـنـهــا الـخـيـزرانـه
مـاعــاد يـاســداح حـيـلـه ولا حــيــل
أطـلــق شـنــب قـلــه يـجــود مـكـانـه
والـقـبـه الــلــي للـنـشـامـا مـداهـيــل
مـيــدان سـيــف الله وعـنـتــر زمــانــه
الله ثـعـا فـيـهـم عـلــى مـثــل مـاقـيـل
بـعـنـصــر نـســائــي قــــــوي كــيــانــه
خطوات عوبـا صوتهـا يصهـل صهيـل
تـشـرشـح الـنـايـب وتـكــرب بـطـانــه

والله مـا يفـتـح مغالـيـق الضمـايـر
كود تل الجيب والموقـع محـدد
لا كـفـخ بـيـن الحتيـفـه والـزبـايـر
كفخ شيهـان علـى الصيـد يتهـدد
والحصى مثل الفشق بين التواير
وعـجـهـا مـثــل الغـثـيـر اليـاتـبـدد
نحره معطي على الضيف البشاير
عن مواجيب النشامى مـا تصـدد
ذاك أبو سلطان حمـال الخسايـر
صـامـل الـفـزعـات روقـــي مـــردد
يوم كلمته ، وجور الحمـل جايـر
قال أنا ابـن روق قـول ولا تـردد
قلت كفووو وهلت العيـن العبايـر
لعـن ابـو قلـب بحبـك مـا تجـدد
جعلهـا يمـنـا مــا تلمسـهـا الجبـايـر
اليمـيـن الـلـي تـطـش ولا تـعـدد
جـعـل يفـدونـه مجمـعـة التجـايـر
شــلــة عـنـوانـهــا قــيـــد وســـــدد
عكس أبو سلطان حمال الخساير
صـامـل الـفـزعـات روقـــي مـــردد

يـالــحــون الــعـــود والا يـامـجـاريــر الـربــابــه
إختـلـف معـنـى القصـيـد وضـيـع الفـنـان فـنـه
حلم مدري علم مدري نوض برق في سحابه
أثـرهـا طـلـة جبـيـنـه يـــوم زاح الـلـيـل مـنــه
أقبلت مثل الفرس لا سمعـت طبـول الحرابـه
مقتـفـيـهـا لــيــل أســــود والـنــجــوم يـفـرقـنــه
الـنـهـار يــمــر ويــعــدي ولـيـلــه فــــي عـقـابــه
الـنـحـر صـبــح تـجـلــى والـجـدايــل كـنـهـنـه
مخمـل يلتـف فــوق الجـيـد الأتـلـع بالنيـابـه
عن سلاسيل الذهب والماس خوف يجرحنـه
غـاب عنـي والـولـه خــلاه عـنـدي فــي غيـابـه
مـادرى ان فرقـاه نـار ولا درى ان لامـاه جنـه
ياوجودي وجد من صفق علـى ماضـي شبابـه
بــان شيـبـه والسنـيـن الـلـي يبـيـهـن خالـفـنـه
غرتـه خضـر السنيـن وراح عـمـره مــادرى بــه
غــررنـــه وارفـعــنــه لــيـــن ســــــج وحــولــنــه
ويـاوجـودي وجــد عــود لا عـيــال ولا قـرابــه
مــاجــداه إلا يــــون ويــــردف الــونــه بــونــه
مـالـقـى فــزعــة رفــيــق ولا دعــــاة مسـتـجـابـه
كــل ماامسـالـه بـظــن خـيـبـت الايـــام ظـنــه
هذا وجدي في غياب اللـي نـزح والله جابـه
صـح فـرض الله فـرض وسنـة المـرسـول سـنـه
الغـلا جسـم رقـيـق ومـرهـف احسـاسـي ثيـابـه
مـثـل غـصـن الــورد يــوم الهـبـايـب يطـرقـنـه
مــازرعــت إلا غــــلاه ولا نـقـلــت إلا صــوابــه
والحشا ماضـاق مـن خضـر الطعـون المستكنـه
ياحبيـبـي مـازهـا كــف الخـضـاب إلا خضـابـه
فـيــه نـظــم الـمـفـردات وفـيــه للـعـشـاق عـنــه
الظـبـي مـالــه شـبـيـه وبـيـنـك وبـيـنـه تـشـابـه
إلتفـت بشويـش وألقـى فيـه منـك وفيـك مـنـه
خالقك من فضل محمـد علـى كـل الصحابـه
وسخـرك مثـل المهـار الـلـي تسخـرهـا الأعـنـه
والثـنـا والشـكـر لـلـي رحمـتـه تسـبـق عـذابــه
لا لـخـلــق الله شــكــر ولا لـخــلــق الله مــنـــه
قـالــه الـلــي مـاخــذا مـمــا يـريــد إلا هـبـابـه
خـيـرة الـفـارس ثـنـيـة خـيــل صـفــرا مستـعـنـه

واهنـي الصخـره اللـي مايحرقهـا سـمـوم
الـزمـان الـلـي يـهــد الـعــزم مـــا هـدهــا
الـزمــان الـلــي تـحــدا قـويـيـن الـعــزوم
لـيــن مـشـاهــا عــلــى ود مــاهــو ودهــــا
والمجامل بعض الأحيان ما يقضي لـزوم
لابـــو الـنـفـس الضعـيـفـه ولابـــو جـدهــا
مـيـر تجبـرنـا العـوايـد وتجـبـرنـا الـسـلـوم
نكـتـم الأســـرار يـالـيـن تـاصــل حـدهــا
الـردي لا طـاح جعـلـه يطـيـح ولا يـقـوم
بــاح ســـده والنـشـامـا مـــا بـــاح سـدهــا
كل ماكبرت وضاقت على عيال الرخـوم
نـحـتـزم لأكـبــر مصـيـبـه ونـاطــا خــدهــا
جعل قسمي عند ربي مـن خيـار القسـوم
واحــــد يـعـطــي الـعـطـايـا ولا يـرتــدهــا
يـاعـيـال آدم وحـــوا تـراهــا مـــا تـــدوم
دورة الأيــــــــام لابــــدهـــــا لابــــدهـــــا
يـاولـيـد الـبــط وشـلــون مـاتـقـدر تـعــوم
وانـت ابـوك يعـوم جـزر البحـور ومـدهـا
وانـت ياحلـم حلمتـه مهـو مثـل الحلـوم
ياضحيـة مــزح الأحــلام مــدري جـدهـا
ادري ان فالناس معطى وفالناس محروم
ايـــــه يـابــيــض الـنــوايــا ويـامـســودهــا
وياضميـري لا يهمـك مـن الدنيـا هـمـوم
الـصـعـيـبـه حـلــهــا والـبـسـيـطـه عــدهـــا
جات في سد الشوارب وفي سد الخشوم
كـبـر الضيـفـه وعـــش الـضـيـوف وغـدهــا
والـمـراجـل مـاتـوفـى بضـافـيـة الـهــدوم
كــود بسـيـوف يـشـوق الـنـواظـر حـدهــا
والردي لو درس المرجله فـي كـل يـوم
المـراجـل عـنـد اهلـهـا يـذعــذع نـدهــا
يعتـبـر قسـمـه مـثـل قـسـم زاهـيـة الـرقـوم
يــوم تكـحـل رمـشـهـا والـقــرون تـكـدهـا
ماكسبت الا رضـا اهـل النمايـم والعلـوم
يارسـول الحـكـي هــات العـلـوم وودهــا
الصفـوف اثنيـن هـذا دفـاع وذا هـجـوم
وانت اظنك لانت معها ولا انت بضدهـا
شـرهـة الطـيـب تـعـداك للـغـوج الـعــزوم
وانـت صلفـات المشاريـه مـاانـت بقـدهـا
وانـت فـي سـود الأظلـه تريـح ومخـدوم
وان ذبحك الجوع كـد التكاسـي كدهـا

يـا مجهـز الفكسـار بسـيـوف ورمــاح
ومفـرقـات الجـمـع حـيـن التحـامـه
مـن ثقـل مافـوقـه مطـبـه تمـرجـاح
مـجـهـزه راعـيــه والـــدرب أمــامــه
يهـوي كمـا حـر دعـي لـه بمـلـواح
فـوقــه عــطــاوي خــوالــه عـمـامــه
من وادي الشبرم الى مفـرق رمـاح
يـحــدد الـسـرعـه ويـربــط حـزامــه
وساعـة تعـدى سعـد يــالاح يـومـاح
عوذ من الشيطان وارخـى خطامـه
ولحظة وصوله والشفـق مابعـد بـاح
رحـبـت بــه قــدام يـبـدي سـلامــه
على أشقـر الفنجـال والعـود فـواح
وفــقــار شــتــوي سـنــامــه يــدامـــه
واخذت منه روس الأقـلام بألحـاح
وازرا الـمـفـسـر لا يـفــســر حــلامـــه
ورحـت أتصفـح كـل بيـت تصفـاح
وافـك حـرف وحــرف أزود لحـامـه
يا ناصر الروقي تـرى الزنـد قـداح
والـسـلـم الأول عـــزه الله وادامـــه
ماكـل راعـي ذود لـلـذود مـصـلاح
بـعــض الـرعــاه مرافـقـتـه الغـشـامـه
اللهم انــه بـــس ضـــاوي وســـراح
عنـده مسـاس الأرض كـنـه وخـامـه
المـوت لا طيـح مـن الـذود طيـاح
واقـفـى عليـهـا اللـيـل يـابـو دلامــه
وجاتـك بعـد مــده معاشـيـر ولـقـاح
وولادهــن عـيــد الضـحـيـه تـمـامـه
والغيـث لاتكـره مطيحـه اليـا طـاح
ربـــع بـصـفـاره وعـطـنــي خــزامــه
وان مرتك هجن المهابيـل طفـاح
اهبـال طيـب ولا صـحـاوة رخـامـه
هذا شطر بيت كمـا النجـم وضـاح
وعــز الله ان راعـيـه عـلـى كـلامــه
اللي مسح روس التماسيح تمسـاح
والـيـا انتـقـم كــل يـعـرف انتـقـامـه
والأولـــه والثـانـيـه ســـم اذحــــاح
يبحـر بهـا الصايـم وتـجـرح صيـامـه
راحـت سوالـف كحيـح ونتحـنـاح
كــل شـكـت سبابـتـه مــن ابـهـامـه
واليـا حـصـد زرع الفلالـيـح فــلاح
الـعــز يـبـقـى مـــن يـجــود زمــامــه
ولا يربح المليون يا جورج قرداح
يـكـود مـــن راســـه قـويــه عـظـامـه
مـا يسـتـرد الـحـق بصـيـاح وانـيـاح
وبـشــت حـســاوي وســـاع كـمـامـه
الا بـيـوم فـيـه للـجـمـع ضـحـضـاح
يشـيـب مـنـه الـلـي بـحـزة فـطـامـه
واسلـم ودم مـانـاض بـرقـا ومــالاح
واقبـل تحـيـة صاحـبـك واحتـرامـه

الله ولابــعــض الـسـوالــف والـعـلــوم
تـحــمــل الــرجـــال مـــــالا يــقـــدره
مامـن وراهـا الا المشـاكـل والهـمـوم
يـاعـنــك مـافـيـهـا مــــن الله خــيـــره
عسى غضب خطلان الايدي مايدوم
وعــســى عــمــار الطـيـبـيـن مـعــمــره
يـاسـيـدي سـلـطـان قـومـنــي وقــــوم
وارجـو مـن الله ثــم مـنـك المـعـذره
وانــا عــن الــزلات مـانــي بمـعـصـوم
والـعـفـو ياكـحـيـلان عـنــد الـمـقـدره
انــا حفـيـد الـلــي يـســدون الـلــزوم
يـــوم انـهــا كـانــت عـبــوس وغـبــره
والبيـرق الخفـاق مــن دون النـجـوم
وحــدب السـيـوف مــورده ومـصــدره
بقـيـادة الـلـي وحــد الـدولـة عـمـوم
شـــق الـطـريـق وحـــد الله ونــصــره
عبدالعـزيـز الـلــي لـيـاشـن الـهـجـوم
مـن صــف عـدوانـه تضـيـق المقـبـره
الياصفق له خشـم مـن بيـن الخشـوم
مــن قــوة الصـفـقـه يطـيـحـن عـشــره
واصل على خـوض المعـارك بالعـزوم
وتقطعـت عـوص النجايـب فــي ثــره
لين العلم رفرف علـى روس الرجـوم
فــي ظــل حــدب بـالـدمـى مـعـطـره
وحـنـا مــا غـيـرنـا الـعـوايـد والـسـلـوم
الـلـي خـلــق فـيـنـا الـــولاء مـاغـيـره
معـنـا الــولاء يــزداد يــوم بـعـد يــوم
فــي صـدورنـا حـتـى ولـــو مانـشـهـره
وحكي الرخوم اللي تروجه الرخوم
والله مـاغـيــر فــــي محـبـتـنـا شــعـــره
ياسيدي وان راحت الاصحـاب قـوم
أحـــد يـسـنـد عـلــم واحـــد حـــدره
انـا دخيـل حمـاك يـا الأب الـرحـوم
لاتسـتـمـع فـيـنـا ولـــد رجـــل ومـــره
يامـفـرج الـكـربـات فـــلاج الـخـصـوم
مـــلاذ مـــن ضـامــه زمــانــه وعــســره
انت الـذي عـن زلـة الجاهـل تشـوم
والـيـا كـسـرت العـظـم مـاحـد جـبــره
محاسـنـك غـيـم مـاهـو مـثـل الغـيـوم
الـيـا أصطـفـق بـرقـه يسـابـقـه مـطــره
غيـث قدومـه حـي والله هــا الـقـدوم
يــروي الـفـيـاض الـجــرد لله وومـــره
وياسيدي ماحد مـن الطيـب محـروم
قـولــة نـعــم عـنــد الـرجــال مـــدوره
مير انت مثل طويق من بين الحزوم
كــل تـــذرا فـــي حـيــوده وشـجــره
تبـي الحقيقـه ياعـسـى عـمـرك يــدوم
شـعـر مايـكـتـب فـيــك مـافـيـه ثـمــره

كلن كتب في حادثة يوم الأثنين
لـعـلـهـا غــفــران ذنـــــب و مــبـــره
والشعر ما يوفي حقـوق السلاطيـن
فـكـرت فيـهـا ألـفـيـن مـــره و مـــره
الشعر وين و منجـزات الفهـد ويـن
محدن قدر يحصي نجوم المجـره
يا عل عين مـا بكـت يـوم الاثنيـن
و لا ذاقت إمن الحزن مثقال ذره
يالله عساها مـا يجيهـا عمـى العيـن
تـشـوف لـكـن مــا تـشـوف المـسـره