اتنين سمعهم تقيل

اثنين سمعهم تقييييييييييييييييييييييييييييييييييييييييل

الأول : الأتوبيس ده رايح مصر الجديدة ؟
الثانى : على الحديدة ليه انت طالب إحسان ؟
الأول : بذرة الكتان لا دى تلاقيها عند العطار
الثانى : جزار ؟ قولى كده عايز تشترى لحمة ؟
الأول : معاك حق الدنيا زحمة علشان ده ميعاد خروج الموظفين
الثانى : نور الدين لا والله معرفوش
الأول : مبتشربوش ليه كفى الله الشر ؟
الثانى : راس البر ده مصيف هادى
الأول : عايز تركب للمعادى دى منطقة جميلة
الثانى : بليلة انت شكلك كده جعان ؟
الأول : عيان طب متروح للدكتور ؟
الثانى : الحنطور ده أحسن من الأتوبيس وبيوصلنى لحد الباب
الأول : هباب وأنا اللى كنت فاكرك راجل محترم ؟
الثانى : اتخرم هو مين ؟
الأول : عاوز اسبرين ليه انت عندك صداع ؟
الثانى : قراع ده مرض خطير
الأول : لا والله مش عايز وبعدين انا مبحبش الفطير اصله تقيل على المعدة وثمنه غالى
الثانى : خالى انت تعرف خالى ده راجل كبير فى السن ؟
الأول : الجن نهارك مش فايت انت عليك عفريت ؟
الثانى : كبريت ليه انت عايز تولع ؟
الأول : أدلع ؟ أدلع عليك انت ده انت متملاش عينيا
الثانى : يقبضوا عليا ليه ؟
الأول : انت غريب ياراجل ؟ انت شكلك شحات روح اشتغلك شغله تاكل منها عيش
الثانى : خيش ؟ ده صوف إنجليزى
الأول : بنتك زيزى ربنا يخلى
الثانى : إنتاج محلى ده مستورد
يمر شاويش من بتوعنا ويلفت إنتباهه الحوار
الشاويش : بتعمل ايه يا جدع منك له ؟
الاثنين : مفيش يا شاويش احنا مستنيين الأتوبيس
الشاويش : جواسيس ! قدامى على القسم

هههههههههههههههههههههههههههههههههه
لا والله جامده موت تسلم الايادي
تقبل مروري

هههههههههههههههههههههههههههههههههههه
لا والله جامد جدااااا تسلم الايادي
تقبل مروري
بس يا ريت دي مش مكانها في قسم العجائب والغرائب

يعنى التلاتة طلعوا سمعهم مية مية

جارى نقل الموضوع

هههههههههههه

الموضوع دا جامد أخر 3 4 حاجات